BAGUIO CITY – Inwaragawag ni Baguio City Mayor Benjamin Magalong a nagtalinaed ti siudad ti Baguio kas kangatoan iti bilang ti testing capacity ditoy pagilian.
maibasar iti kaudian a datus idi Marso 11, dumanonen iti 132,665 nga Reverse Transcription-Polymerase Chain Reaction (RT-PCR) tests ti naisayangkat ti siudad a mangirep-representar iti 33% wenno buklen ti 375,000 a populasyon ditoy siudad.
Kinunan ni Mayor Magalong a maituloy ti agresibo a community testing tapnu mamintinir ti Baguio City ti nasustinir a testing capacity kas epektibo metlaeng a panagkontrol iti panagwaras ti COVID-19.
Nupay nawaswas ti panakai-kalikagum ti RT-PCR test kadagiti panggepna a sumrek ditoy siudad gapu iti nangina a bayad daytoy ket tinagiragsak ti Mayor ti panaka-aprubar NAtional IATF iti kiddaw ti siudad a panakaisayangkat ti antigen test.
Impasiguradona nga iti kanito a mabalinen a maipatungpal ti antigen test ket maipaay laeng daytoy iti nalaka a gatad wenno ti presyo a P350 agingga P1,300 ti maysa nga test.
