Napagtalinaed ti Baguio City ti panagbalinda nga undefeated kas Over-all Grand Champion iti kaleppas a Cordillera Administrative Region Athletic Association (CARAA) Meet 2024 a naangay idiay probinsia ti Apayao.
Maibasar iti pinal ken opisial a medal tally, nakaiyawid dagiti delegado manipod iti Baguio City ti 237 a gold, 111 a silver, ken 72 bronze medals wenno pakabuklan a 420 a medalya.
Kabayatanna, agtaltalinaed met kas first runner-up ti probinsia ti Apayao nu sadinno nakaiyawid dagiti delegado ti 62 a gold, 74 a silver, ken 107 a bronze wenno pakabuklan a 243 a medalya, second runner-up ti probinsia ti Benguet a nakaiyawid ti 50 gold, 91 silver, ken 89 bronze wenno pakabuklan a 230 a medalya, third runner-up ti Ifugao nga addaan ti 27 gold, 37 silver, ken 62 bronze medals, forth runner-up ti Kalinga a nakaiyawid ti gold, 32 silver, ken 48 bronze medals, fifth runner-up ti Tabuk City nga addaan ti 12 gold, 17 silver, ken 35 bronze medals bayat a maudi iti puesto ti Mountain Province a nakaiyawid ti 5 gold, 27 silver, ken 46 bronze medals.
Maipalagip nga idi tawen 2017 & 2018 ket adda iti maikadua a puesto ti probinsia ti Benguet ngem naabak dagitoy idi tawen 2019 isut rason a nagtultuloy a napagtalinaed ti nasao a puesto ti Apayao bayat a ti maikatallo a puesto idi tawen 2017 ket ti Mountain Province, 2018 ket ti Ifugao, 2019 ket ti Abra, ken idi 2019 ket ti probinsia ti Benguet.
