Nalaos ti panagyaman ni Easter Wahayna-Pablo ti Chief Librarian ti Baguio City Library kalpasan a naiyawid dagitoy ti 2024 Children’s Librarian of the Year award bayat ti 8th International Conference on Children and Young Adults Librarianship (ICCYAL) a naangay iti Sison Auditorium idiay Lingayen, Pangasinan.
Iti interview ti Bombo Radyo kenkuana, kinunana a naawatda ti nasao a pammadayaw babaen iti tulong dagiti nagannak ken ubbing kasta metten dagiti nagduduma a programa nga ipatpatungpal dagitoy.
Gapu iti daytoy, agtultuloy latta iti panangitandudoda kadagiti paylaeng programada sadiay.
Pinagyamanna dagiti amin a timmulong kadakuada rason a naawatda ti nasao a pammadayaw.
Kabayatanna, namnamaen met ni Pablo a maikkan atensyon ti city library para iti pannakapalawa ken pannakarenovate daytoy agsipud ta kurang ti espasyo iti kanito a weekends.
