--Ads--
BAGUIO CITY -Manarimaan ti panangisagana ti lokal a gobierno ti Baguio City Iti kanayunan nga isolation facilities ti sIudad kasaruno ti waragawag dagiti ospital a napunnon dagiti isolation beds dagitoy.
Inaklon ni City Administrator Bonifacio Dela Pena nga iti agdama ket makapaspasar iti kritikal a sitwasyon dagiti paggagasan iti siudad.
Gapu iti daytoy, imbinglayna a nangbukkelda iti Plan B kas iti panangisagada kadagiti step-down isolation facility sadiay Sto. Nino Hospital ken Teachers Camp.
Dinakamatna nga iti agdama ket addan ti 50 isolation bed a naisagana iti nasao nga ospital ken maipangruna a maiturong ditoy dagiti COVID patient a makapaspasar ti mild cases ken daduma pay a pasyente a saan a maakomodar dagiti ospital.
