--Ads--
![](https://img.bomboradyo.com/baguio/2019/08/city-hall.jpg)
BAGUIO CITY – Panggep ti ama ti Baguio a mapagbalin nga ‘Smart City’ ti siudad.
Sigun kenni Mayor Benjamin Magalong, maragpat ti “Smart City System” babaen kadagiti plataporma a mangbantay iti aglawlaw, ti kaadda dagiti video analytics, lighting system ken dadduma pay a wagas.
Kinunana a maaramat met ti P200-M nga impaluspos ni Presidente Rodrigo Duterte tapnu mapapartak ti panakaipatungpal ti plano.
Innayonna a no nagballigi ti plano ket ti Baguio City ti agbalin a kaunaan a siudad iti Pilipinas a maawagan nga ‘Smart City’.
Iti agdama, mabigbigbig ti Baguio City kas Summer Capital of the Philippines, City of Pines ken UNESCO Creative City.