Inaklon ni Baguio City Mayor Benjamin Magalong a saan a mamati a drug-cleared dagiti amin a Barangay iti siudad ti Baguio.
Gapu iti dayta, immunan nga imbilinna kadagiti kameng ti Baguio City Police Office ken Philippine Drug Enforcement Agency a repasoenda ti drug operations kadagiti Barangay iti siudad ti Baguio.
Kasaruno daytoy iti pannakakumpiskar ti P136 million a gatad ti iligal a droga idiay South China Sea Green Valley Subdivision, Barangay Dontogan Baguio City.
Iti pannakiuman iti Bombo Radyo kenni Mayor Magalong, kinunana nga awan ti pakibiangna no bumaba ti rating ti siudad no maipapan iti iligal a droga ti napateg ket maamuan ti agpayso a kasasaad dagiti Barangay.
Gapu iti dayta, maisayangkat manen ti drug clearing review kasta met ti evaluation ken assessment kadagiti Barangay iti siudad.//mp4
