BAGUIO CITY – Impeksa ni Baguio City Mayor Benjamin Magalong ti panakadismayana iti estado ti sewerline project sadiay P. Burgos barangay.
Sigun iti mayor, narugit, saan a natalged ken nabuntog ti panagprogeso ti proyekto ti City Environment and Parks Management Office (CEPMO).
Sigun met kenni CEPMO Officer Rhenan Diwas, nangipaayda ti direktiba kadagiti kontraktor tapno surotenda dagiti engineering standards ken contruction methods tapno makompleton ti proyekto iti naituding a petsa.
Dinakamat ni Diwas a naimpormaran daytoy a nagpason ti project duration rason a nangipaay ti CEPMO ti notice iti Bids and Awards Committee for Infrastructure Projects tapno masolusyonan ti panakaipaay dagiti kontrator nga agtungpal iti contractual obligations.
Impetteng ti opisyal a posible nga agresulta daytoy iti panaka-blacklist dagiti kontraktor tapno saanen a makipaset iti government funded projects iti Baguio City.
