Impakaammo ti Malacañang dagiti mangbukel iti Independent Commission for Infrastructure a mang-imbestigar kadagiti naanomalyaan a flood control ken infrastructure projects.
Karaman ditoy da Baguio City Mayor Benjamin Magalong, sigud a DPWH Secretary Rogelio Singson kenni SyCip Gorres Velayo & Company forensic accountant Rossana Fajardo.
Sigun kenni Palace Press Officer Claire Castro agserbi ni Mayor Magalong kas adviser para iti panel.
Kagiddan dayta, innayonna a possible nga inaganan pay ni President Ferdinand Marcos Jr. dagiti dadduma a mangbukel iti independent commission inton sumarsaruno nga aldaw.