Sidadaan ni Mayor Benjamin Magalong a mangidaulo iti imbestigasion iti korapsion a pakairamanan dagiti mammanday-linteg ken dadduma pay nga opisial ti gobierno kadagiti infrastructure projects.
Sigun kenni Mayor Magalong, ur-urayenna laengan ti “summon” wenno “notice” manipid iti Kamara.
Daytoy ket sungbatna iti karit ni committee on accounts chairman Representative Terry Ridon nga iparangna dagiti ebidensia.
Kinunana pay nga umawagda laeng kenkuana ken saanda a sao a sao.
Kiniddawna pay a patganda isuna nga aramiden ti presentation-na ken rumbeng a saanda nga itrato kas maysa nga “accused,” nu diket kas maysa a resource person.
Ti sigud a police general ken dadaulo ti National Police Criminal Investigation and Detection Group ket saanen a ganggannaet iti House inquiries wenno panagdenggeg gaputa nakipaspaset daytoyen iti sumagmamno a congressional hearings idi napalabas.
Para kenni Magalong, nu sumango daytoy iti panagdenggeg, kasapulan a ti maaramid ket “straight talk.”
