BAGUIO CITY – Nagbalinen nga otomatik kadagiti kailyan a sumang-at iti siudad ti Baguio.
Iti panakiyuman ti Bombo Radyo kenni Andrew Pinero, media relations officer ti Hotel and Restaurant Association of Baguio, kinunana nga umdasen dagiti agdama a dagiti tourism activities, dagiti panakaital-o ti baguio ken ti presensia dagiti pasdek wenno pasdek ti hospitality industry tapnu maguyugoy dagiti turista a sumang-at iti siudad.
Kinunana a saan a nasken nga agbalin pay nga extensive wenno nakaro unay ti panakaital-op ti turismo ti Baguio.
Innayonna a ti nalawag a sinyales a napintas ti panagsangpet dagiti turista iti siudad ket ti adu ken aggigiddan a panakaipasdek dagiti hotels.
Dinakamat pay ni Pinero a ti panagadu dagiti turista ket intunda ti nalaka nga accessibility ti Baguio gapu iti immababa a biahe babaen iti TPLEX.
Sigun kenkuana, nakaapektar met ti panakairikep ti Boracay gaputa manmano laengen dagiti lugar nga asideg a pagturongan dagiti turista bayat ti atiddog a bakasyon wenno iti weekends.
Gapu iti daytoy, inladawanna a saan laengen a Summer Capital of the Philippines ti Baguio ngem ketdi, nagbalin daytoy a weekend destination.
