--Ads--
BAGUIO CITY – Maibilbilang manen ti siudad ti Baguio kas “high-risk area” iti COVID-19.
Kinuna ti OCTA Research Team a maibilang manen ti siudad kas “high-risk area” ken ti Mankayan, Benguet.
Kinunada a gapu daytoy iti pannakailista ti 16 a kaso ti COVID-19 iti inaldaw iti Baguio City manipud Nobiembre 24 aginggat 30 ken 32 a kaso iti inaldaw manipud Disiembre 1 aginggat 7.
Nakalanad pay iti report ti OCTA nga addaan ti Baguio City iti attact rate iti COVID-19 a 6.3 percent ken hospital occupancy a 68 percent.
Iti agdama, dumanonen iti 3,333 ti pakabuklan a kaso ti COVID-19 iti siudad ti Baguio, 2,962 dagiti naimbagan, 325 dagiti aktibo ken 46 dagiti pimmusay.
