BAGUIO CITY – Nairekord ti kangatoan a kaso ti ipupusay gapu iti COVID-19 iti Baguio City idi napalabas a Setyembre.
Maibasar datoy iti datus ti UP Baguio Department of Mathematics and Computer Science ken iti Baguio City Health Services Office no sadino dimmanon iti 136 a COVID-19 deaths ti nailista idi napalabas a bulan.
Nailista met ti maikadua a kanagtual a bilang dagiti pimmusay idi Abril a dimmanon iti 85 ken ti maikatlo a kangatuan a death toll idi Mayo a dimmanon iti 53.
Inlawlawag ni City Health Officer Dr. Rowena Galpo a kadagitoy nailista kadagitoy a bulan ti maikatlo a peak iti kaso ti COVID-19 iti lokalidad gapu iti Alpha ken Beta variants.
Sigun pay kenkuana, posible nga ituntunda ti napegpeggad a Delta variant ti agdama a sitwasion ti COVID19 iti siudad no sadino mabilbilang kas fourth peak ti kaso ditoy lokalidad
