Awan paylaeng ti komento ni Atty. Faustino Olowan, re-elected Vice mayor iti Baguio City, seknan iti disqualification case wenno petision kontra iti panangabakna nga impila ni Mylene Yaranon, a kalabanna iti kina-Bise Mayor iti kaleppas a National and Local Elections.
Iti panakiuman ti Bombo Radyo kenni Vice Mayor Olawan, saanna nga ammo nga adda ti disqualification case a naipila kontra kenkuana.
Malaksid iti dayta, awan pay ti naaw-awatna a surat ngem kinunana a dakkel ti lamangna kontra iti kalabanna.
Impeksa pay ni Atty. Olowan a no maawatna ti disqualification case ket sisasagana a sungbatanna ti nasao a pakaseknan.
Saanna a patien a personal reason wennu daytoy ket laban ti tumunggal maysa nu diket grupo wenno team makabaguio versus team good governance alliance.//Bombo Noveh Organo
