Mangnamnama ni Congressman Mauricio Domogan a maaprobaran ti inpila daytoy a bill a mangam-amyendar ti price control law no sadino kalikagum ti ipaspasa daytoy a gakat a mairaman ti oil price iti iregular ti Price Act of the Philippines.
Sigun kenkuana, nabayagen a parikot ti addu a mas nangatngato a presyo ti lana ti siudad ti Baguio kumpara iti sabali.
Impeksana pay a naaddaan dagitoyen iti series of confercence kadua ti Department of Trade and Industries (DTI) ngem awan ti naaramidan ti nasao nga ahensya gapu ta saan a karaman ti oil price iti price control law.
Nakadanon metlaeng daytoyen nga isyu iti Department of Energy (DOE) ngem agingga ita ket parikot latta daytoy.
Impakaammo met daytoy nga adda metten ti appeal iti deregulation law.
Maipalagip a pormal nga inpasa ni Congressman Domogan ti House Bill No. 6634 tapno mairaman ti nagduduma a petroleum products ken dadduma pay a commodities a mabalin nga iregular ti Republic Act No. 7581 wenno ti Price Act of the Philippines.
Kinuna pay datoy nga unjustifiable ti rason nu apay a mas nangatngato ti presyo ti oil products iti siudad ti sangapulo a pesos kumpara idiay La Union a 34 a kilometro laeng ti distansya daytoy.
Innayonna pay nga unjustifiable metlaeng a mas nangatngato ti presyo ti lana iti siudad kumpara idiay Abatan, Buguias, Benguet nga ada ti agarup 90 kilometro manipud iti siudad no sadino maysa kadagiti makikitana a mangsolbar ti nasao nga isyu ket ti pannakairaman daytoy iti price control law.
Iti sabali a bangir, gapu iti apila dagiti pasahero iti siudad seknan iti maimimpose nga special fare rate, naisublin ti sigud a pamasahe iti siudad.
Nupay kasta, arungaing latta ti sumagmamano a drivers ita ti nangato paylaeng a presyo ti krudo ken gasolina iti siudad. //Bombo Noveh Organo
