Patien ni Baguio Congressman Mauricio Domogan a masapul nga abogado ti agtugaw kas presiding officer ti impeachment ni Vice President Sara Duterte gapu kadagiti technicalities iti nasao nga impeachment.
Daytoy ket gapu ta ammo dagitoyen dagiti technicalities tapno i-evoke wenno ituloy ti nasao a reklamo.
Sigun pay kenkuana, manamnama metlaeng a dagiti abogado a mangirepresentar iti depensa ken prosekusyon ket ‘well-seasoned’, ‘experienced’, nalaing, ken eksperto nu maipanggep iti nasao nga isyu.
Innayon pay daytoy a posible a maaddaan iti dakkel a problema no dagiti agpresenta iti nasao a saritaan ket saan nga abogado.
Kagiddan dayta, dinakamatna a narigat ti sitwasyon ita ti senado gapu ta kasapulanda a pilien ti agserbi kas judge iti impeachment a kabaelanna a mapagpatalianed ti impartiality, fairness , ken kabaelanna nga ibasar ti ruling na kadagiti ebidensya nga ipresenta ti dua a benneg.
Innaklon pay daytoy a kas maysa nga abogado, saan a nalaka ti nasao nga impeachment proceedings.
Kabayatanna, inyebkasna a nu maipapan iti impeachment, saan a maliklikan ti politika.
Iti agdama, adda ti uppat nga abodago idiay senado- da Senators Francis “Chiz” Escudero, Francis “Kiko” Pangilinan, Rodante Marcoleta, ken dagiti agkabsat a da Senators Pia Cayetano, ken Alan Peter Cayetano. //bombokaren.c.sapirao
