Mapagbalin a Baguio Fantasy Festival ti titulo a Baguio Horror Festival a naituding a maipatungpal inton sumaruno a bulan iti siudad ti Baguio
Sigun kenni Carl Paolo Corpuz, organizer iti nasao nga aktibidad, maaddaan metlaeng iti revisions depense nu anya ti mapagsasaruitaan dagitoy kadua dagiti petitioners ken dadduma pay a maseknan mainaig iti nasao nga aktibidad.
Daytoy ket kagiddan iti napasamak a session idiay SP Hall idi kalman a pinasetan metlaeng dagiti mangtubtubngar iti nasao nga aktibidad no sadino naipeksada dagiti an-anekekkenda.
Maysa kadagiti napagundawayan nga agsao ket ni Bishop Rev Rafael Cruz, no sadinno dinakamatna a ti syudad ket maibirbirngasan kas “Character City”.
Innayon met daytoy a ti termino a ‘halloween’ ket “holy” no sadino maaramat laeng iti nasao a termino kadagiti aktibidad a nasantoan.
Maikatlo a puntos daytoy ket ti nasken a panangikonsidera iti ‘human dignity’ kadagiti amin a social decision. Kasapulan metlaeng a panunoten nu kadawyan daytoy a mapaspasamak ket kasapulan metlaeng nga ikonsidera dagiti sumarsaruno a henerasyon.
Kabayatanna, impeksa ni Venus Tan, supporter iti mapangpanggep nga aktbidad nga adda iti council ti desisyon. Nupay kasta, dinakamatna a saan kuma nga agbalin nga issue ti wholesome creativity.
Iti panagleppas ti session idi kalman, inkari met ti organizer a maaddaan iti revision depende iti mapasamak a maysa pay a panagtataripnong dagitoy karaman dagiti petitioners ken dadduma pay tapno maurnos ti aktibidad ken mabigbig dagiti maipawil ken dagiti mapalubosan nga aktibidad a mabalinda nga aramiden.
Iti baet dayta, inlawlawag ni Corpuz a maipawil ti panagaramat kadagiti realistic a buneng, paltog, ken dadduma pay a mabalin a mangipaay iti buteng kadagiti agbuya iti nasao nga aktibidad.
Imbinglayna pay a ti parada ken magudua iti nagduduma a genres iti fantasy kas iti maisursuro iti pagadalan pakairamanan ti Philippine Literature, folklore, methology, ken dadduma pay.
Umap-apela met daytoy iti komunidad ken petitioners kadagiti bambanag a mabalin ken saan a mabalin nga aramidenda.
Kabayatanna, naaddaan iti kanito a pagkakatawaan kadagiti nakipaset iti session nangnangruna kadagiti petitioners iti komento ni Baguio City Councilor Edison Bilog nga imbes a dagiti zombies, dagiti laengen pokemon ti maiparang iti nasao nga aktibidad.
Impeksa met ni Councilor Yangot nga agbalin daytoy a pagadalan iti tunggal maysa. Nupay kasta, pinalagipanna dagiti organizers ken kadagiti dadduma pay nga organizers a mangpangpanggep nga agplano iti anyaman nga aktibidad nga aramidenda kuma kas basaran ti Character City Ordinance ti siudad ti Baguio kas basaran kadagiti ipatungpalda nga aktibidad.
Sumagmamano met a pakaseknan ti impeksa dagiti city councilors pakairamanan dagiti ubbing, branding issues, siudad ti Baguio kas Character City ken dadduma pay.
Impetteng met ni Mayor Benjamin Magalong a saan daytoy nga ummanugot nga agbalin a Horror Capital of the Philippines ti siudad ti Baguio. //via Bombo Noveh Organo
