Dumanon iti 7,209 nga indibidwal ti manamnama nga ag-exam Licensure Examination for Teachers(LET) inton bigat.
Iti panakiuman ti Bombo Radyo kenni Juanita Domogen, Director iti Professional Regulation Commission-Cordillera, agtultuloy ti panagngato ti bilang dagiti examinees nga agturturong iti Baguio City gapu iti klima nga agbalbalin a conducive para kadakuada.
Kagiddan dayta, inyunay-unay ni Domogen a masapol nga addan dagiti examinees kadagiti testing centers alas sais trenta iti agsapa gapu ta maipaay ti instructions iti alas siete ken mangrugi ti eksaminasyon iti alas otso iti agsapa.
Impetteng ti opisyal a saandan nga iyakomodar dagiti examinees nga umatendar iti naladladaw ngem alas otso kinse rason a maiyunay-unay ti nasapsapa a panagturong dagitoy kadagiti lugar ti pag-examan.
Iti sabali a bangir, inlawlawag ni Domogen nga otomatiko a maforfeit ti aplikasyon dagiti examinees kaspangrigan saanda a makaatendar iti naituding a panag-examda nu sadino, kasapulanda ti agaplikar ulit para iti sumaruno nga eksaminasyon.
Dagiti damo nga agaplikar ket masapol a personnal nga agturong iti nadakamat nga opisina.
Nu dagiti met agulit ket mabalin nga agaplikar laingen iti online system ti Professional Regulation Commission-Cordillera.
Kabayatanna,manamnama a mairuar ti resulta iti nasao nga eksaminasyon inton December 13, 2024.//Bombo Rob Dominguez
