BAGUIO CITY – Mangipatulod ti lokal a gobyerno ti Baguio City iti tulong pinansial kadagiti lokal a gobyerno a nakaro nga inapektaran ti bagyo a Rolly ken Ulysses.
Sigun kenni Mayor Benjamin Magalong, babaen iti maipatulod a kwarta ken matulongan dagiti maseknan a lokal a gobyerno iti panagrekober dagitoy manipud iti dadael nga intunda dagiti nasao a kalamidad.
Maipimpinal ti nasao a tulong pinansial ken maur-uray laengen ti panangaprobar ti lokal a konseho ti Baguio.
Impaayna payen ti pammalubos para iti panakaisayangkat ti fund and relief goods donation drive para kadagiti biktima dagiti nasao a bagyo.
Gapu iti daytoy, nangrugin ti panangawat ti lokal a gobyerno ti Baguio iti donasyon kas iti food packs, bottled water, hygiene kit, blankets, baro a bado ken perishable items kas iti nateng.
Mabalin nga iturong dagitoy iti CDRRMC Evacuation Center sadiay Motorpool, Lower Rock Quarry, City Camp.
