BAGUIO CITY-Opisyalen a nailukat ti Baguio Mansion House wenno ti Presidential Museum para iti publiko.
Naipatungpal ti seremonya iti panakabendisyon daytoy ita nga aldaw, September 8.
Dinar-ayan daytoy ni First Lady of the Philippines Liza Araneta-Marcos, ti anakna a ni Joseph Simon Araneta Marcos, Department of Education Secretary Sonny Angara, Celebrity Doctor Vicky Belo ken ti asawana a ni Hayden Kho, ni Baguio City Mayor Benjamin Magalong ken ti asawa daytoy,Vice Mayor Faustino Olowan, Benguet Governor Melchor Diclas ken daduma pay nga opisyales iti Baguio City.
Kagiddan dayta, naipabuya met ti Tayaw, maysa a tradisyunal a sala iti rehion Cordillera.
Dumanon met iti nasurok sangagasot ti bilang dagiti turista a napalubusan a simrek iti Presidential Museum ita nga aldaw.
Ti Baguio Mansion House ket naglaon kadagiti nagduduma a memorabilia dagiti naglabas a dadaulo iti pagilian a mabalin a pakakitaan kadagiti pakasaritaan ti Philippine presidency.
Ti Presidential Museum ket silulukaten para iti panagpasyar ti publiko tunggal Martes agingga Dominggo.//Bombo Rob Dominguez&Bombo Jerwin Aquino
