Nakasagana ti Baguio Water District para iti dumakdakkel a pagkasapulan iti danum iti siudad ti Baguio nangruna ita nga umadani ti summer session.
Iti pannakiuman iti Bombo Radyo kenni Engr. Salvador Royeca, General Manager iti Baguio Water District kinuna a nagtultuloy ti ipatpatumpal dagitoy a proyekto para iti pannakapasayaat ti danum iti siudad nangruna dagiti nabigbig nga addan iti problematic areas.
Iyunay-unay ni Royeca a nakasagana ti ahensia dagitoy a mangipaay iti kasapulan ti siudad a danum intun summer session.
Malaksid iti dayta, kinuna na nga umdaw ti danum nangruna ta nagleppasen dagiti sangapulo a dep well ken manarimaan metteng ti activation dagiti kanayunan a pagtaudan daytoy.
Impanamnaman met ti nasao nga opisial a maipayan dagiti dadduma a sigud a nabigbig a problematic iti danum.
Iti agdama nakalokat ti ahensia para kadagiti angpampanggep nga agpaconnect ken mabalin metlaeng nga agpadeliver ti publiko uray no saan dagitoy a konektado iti Baguio Water District.//mp4
