BAGUIO CITY- Agpalpalagip ti pulisia kadagiti agayan-ayat a naissem nga agturong kadagiti parke iti siudad ti Baguio kontra iti maysa a lalaki nga agpampammarang a pulis nga agkikkikil kadagitoy.
Sigun kenni PCI Marlo Marlo Evasco, station commander ti BCPO station 7, maysa a managan “PO3 Burgos” ti manglukluko ken agkikikil kadagiti ubbing nangruna dagiti agtugtugaw kadagiti parke.
Kinunana a modus ti nasao a lalaki a mangsitar kadagiti menor de edad a makitana nga agtugtugaw iti parke ken ibalballagna a maipawil ti Public Display of Affection sadiay.
Kalpasan tii daytoy ket butbutngenna dagiti agtutubo a paayabanna dagiti nagganak dagitoy sakbay nga agkikkikil iti kuarta tapnu saanen a maiturong iti estasion ti pulisia dagiti nasao a menor de edad.
