--Ads--
BAGUIO CITY – Nakemmeg ti maysa a drug personality a maibilbilang nga street level target iti buy-bust operation nga insayangkat dagiti otoridad sadiay Labsan Street, Kayang Extension, Baguio City idi agsapa.
Nabigbig daytoy a ni Sarrah Jane Patacsil Griba, 28-anyos, balasang, awanan trabaho, tubo ti Naguilian, La Union ken agnanaed sadiay Happy Homes, Campo Sioco, Baguio City.
Nakumpiskar kenkuana ti maysa a pakete ti mapapati a shabu nga agdagsen iti agarup nasurok 0.5 grams ken ti cellphone nga inaramatna iti transaksionda iti operatiba ti pulisya.
Narekober met kenkuana ti buy-bust money a naaramat iti operasyon.
Iti agdama, sumangsango ni Griba iti kaso a panaglabsing iti RA 9165 wenno ti Comprehensive Dangerous Drugs Act of 2002.
