--Ads--
BAGUIO CITY – Nakaro a nadangran ti maysa a balasang kalpasan a naipit daytoy iti immatras nga elf truck iti kalsada nga asideg ti Camp 7 Elementary School sadiay Kennon Road, Baguio City.
Sigun kenni Police Major Oliver Panabang, dadaulo ti Traffic Enforcement Unit ti Baguio City Police Office, sumang-at koma ti elf truck ngem naawanan daytoy iti preno.
Gapu iti daytoy, immatras ti trak ken naidungpar daytoy iti maysa a poste ti kuryente a nagresulta iti pannakaipit ti maysa a balasang nga agtawen iti 16.
Kinuna ni Panabang a dagus a simmuko kadagiti otoridad ti driver ti trak bayat a naiturong iti ospital ti biktima gapu iti kinakaro ti dunor a nasagrapna.
