--Ads--
BAGUIO CITY – Matamtaming iti ospital ti maysa a balasang kalpasan a pinaltogan daytoy ti saan pay a nabigbig a suspek sadiay Otek St., siudad ti Baguio itay agsapa.
Nabigbig daytoy a ni Jenalyn Rosimo, 21-anyos, service crew ken residente ti Poblacion, La Trinidad, Benguet.
Segun iti kadwa ti biktima, paturongda kuma iti pagpapaayanda sadiay Baguio Country Club idi nakangeg daytoy iti kanalbuong ti paltog.
Idi talyawenna ti biktima ket nakitana laengen a nakadasay daytoy iti side walk ken dara-dara.
Dagus nga intarayda ti biktima iti ospital kalpasan a nagsagrap daytoy iti tama ti paltog iti mugingna bayat nga imimbestigaran dagiti pulis ti motibo ken nu asino ti suspek iti nasao a pammaltog.
