![](https://img.bomboradyo.com/baguio/2020/02/balitok.jpg)
BAGUIO CITY – Ilaklaksid ita ti Bureau of Internal Revenue (BIR) dagiti small-scale miners manipud iti panagbayad iti income tax ken excise tax no ilakoda ti balitokda iti Bangko Sentral ng Pilipinas (BSP).
Nailanad daytoy iti Revenue Regulation 04-2020 nga impaulog ni BIR Commissioner Caesar Dulay.
Nailanad iti Revenue Regulation 04-2020 dagiti pagalagadan iti panagnumar dagiti small-scale miners iti tax exemptions a maiyap-apliklar iti panagilako ti balitok sadiay BSP.
Sagudayen ti baro a pagalagadan a saanen nga agbayad iti income tax ken withholding tax ti income wenno ganansia a mapaglakuan iti balitok dagiti rehistrado nga small-scale miners ken gold traders nga addaan akreditasyon ti BSP.
Malaksid iti daytoy, saan metlaeng a mapatawan iti excise tax dagiti small-scale miners ken gold traders a mangilako iti balitokda iti BSP.
Mabalin metlaeng a mailaksid iti excise tax ken income tax dagiti small-scale miners a mangilako iti balitokda iti BSP babaen iti accredited a gold trader.
Nupay kasta, nasken nga amin nga small-scale miners ken accredited gold traders ket nasken nga agala ti tax identification number manipud BIR.
![](https://img.bomboradyo.com/baguio/2020/02/Revenue-Regulation-04-2020-1.jpg)
![](https://img.bomboradyo.com/baguio/2020/02/Revenue-Regulation-04-2020-3.jpg)
![](https://img.bomboradyo.com/baguio/2020/02/Revenue-Regulation-04-2020-2.jpg)