Patien ni United States President Donald Trump nga agpatengga ti gubat iti nagbaetan iti Russia ken Ukraine nu sumardeng dagiti pagilian a miembro iti NATO a gumatang iti lana idiay Russia.
Sigun kenni Trump, “shocking” ti panaggatang iti lana manipod Russia dagiti kaalyado daytoy iti NATO nu sadino, kinunana a dakkel a mangpakapsot daytoy iti negotiating position ken bargaining power da iti Russia.
Maipalagip nga idi 2023 kas maibasar iti Center for Research on Energy and Clean Air, ti NATO member a Turkey ti maikatlo kadagiti kadakkelan a buyer iti Russian Oil.
Daduma pay kadagiti gumatgatang iti Russian oil ket ti Hungary ken Slovakia.
Gapu iti dayta, kinuna ni Trump a ti NATO ban kadagiti Russian Oil ket makatulong tapno maisardeng ti gubat kasta metten ti panangipatawda iti nangato a taripa iti China.
