Impakaammo ti Manager ti funeral parlor idiay Laurel, Batangas a ni Jonel Dacolo nga addaan iti gunshot wound iti ulo dagiti bagi a narekober dagiti otoridad iti public cemetery sadiay.
Kagiddan daytoy iti pannakasapul ti bagi dagiti mapukpukaw a sabungeros.
Sigun pay kenni Dacolo, nasarakan idi dagiti bangkay iti nagsisinabali a bulan manipud iti boundary ti Laurel, Calaca, ken Lemery sadiay Batangas.
Innayon daytoy a naibelleng laeng dagiti bangkay ken kaaduan kadagitoy ti addaan iti tama ti patog iti uloda bayat a dadduma kadagitoy ket naitali dagiti imada.
Impetteng ti nasao a Manager ti funeral parlor nga awan ti rekordna agsipudta, awan ti ID, awan ti tattoo, awananda iti kawes ken nagrupsa en dagiti bangkay.
Maipalagip a kinuna ni Department of Justice (DOJ) Secretary Jesus Crispin Remulla a tallo a bangkay ti narekober manipud iti public cemetery idiay Laurel, Batangas a nasarakan idi 2020 a tumtumpaw iti Taal Lake.
Patien ni Remulla a posible nga adda ti pakainaiganna daytoy iti kaso dagiti mapukpukaw a sabongeros.
