Trigger Warning: This report includes references to emotional distress and potential suicidal thoughts. Please exercise sensitivity when providing comments.
Naduktalan iti toxicology report iti bangkay daydi sigud a Department of Public Works and Highways (DPWH) Undersecretary Catalina Cabral a nagpositibo daytoy iti panagaramat iti antidepressant drug.
Maibasar iti preliminary laboratory report manipud iti PNP Regional Forensic Unit–Cordillera Administrative Region, naisayangkat ti partial qualitative examinations iti isbo ken vitreous specimens daydi DPWH Usec. Cabral.
Ditoy a naduktalan a positibo iti citalopram, maysa nga agas nga antidepressant.
Sigun iti PNP, narekober metlaeng ti National Bureau of Investigation (NBI) ti nasao nga agas iti kuarto ti maysa a hotel iti siudad ti Baguio a nagdagusan ni Cabral ken ti driverna.
Innayon ti nasao nga ahensia nga awan ti naduktalan nga abnormalities wenno terminal diseases iti naisayangkat a histopathological examination.
Maipalagip nga immuna a kinuna ni Interior and Local Government Secretary Jonvic Remulla a posible a nagpakamatay daydi sigud a DPWH Usec. kas maibasar kadagiti initial findings dagiti otoridad.
