BAGUIO CITY – Nasarakan a tumtumpaw iti maysa nga irrigation canal ti maysa a 2-year old nga ubing sadiay San Juan, Tabuk City, Kalinga idi kalman.
Maibasar iti report, nabati iti pagtaenganda ti ubing ken ti kabsat daytoy.
Nupay kasta, idi nagawid ti nagannakda ket saanda a nakita ti nasao nga ubing.
Pinanunotda nga adda ti nasao nga anakda iti kaarubada nga agay-ay-ayam ngem naklaatda laengen idi naipadanun kadakuada a nalmes ti nasao nga anakda iti irigasyon.
Naamuan nga asideg ti pagtaengan ti pamilya ti ubing iti nasao a kanal ken mapapati a nagay-ayam sadiay ti ubing agingga nga aksidente a natnag iti danum a nangitunda iti panakalmes daytoy.
Maibasar pay iti report, agbuggo kuma iti ima ti maysa a barito iti irrigation canal idi nakitana ti tumtumpaw a bagi ti nasao nga ubing.
Gapu iti daytoy, ipalpalagip manen dagiti otoridad ti panangbantay dagiti nagannak kadagiti annakda nangruna dagiti ubbing.
