--Ads--
Nasarakanen ti bangkay ti 60-anyos a biktima a ni Francis Angel a nalmes iti Chico River idi laeng kalman.
Nasarakan daytoy dagiti rescuers iti paset ti Chico River iti nagbaetan ti Malitep, Balili ken Gonogon, Bontoc.
Maipalagip a naireport a mapukpukaw daytoy no sadino mapapati a naiyanod daytoy gapu paylaeng iti napigsa nga ayos ti danum.
Balligi a nasarakan daytoy babaen ti koordinasyon dagiti otoridad manipud iti Sabangan Municipal Disaster Risk Reduction and Management Council, ken dadduma nga opisina sadia. Ti pannakadiskubre iti bangkay ti biktima ket mangipakita manen iti panagtitinulong dagiti umili babaen iti “Og-ogbu/ Og-ogfu/ wenno Binnadang”.
