--Ads--
BAGUIO CITY – Nasarakan ti bangkay ti maysa a maladaga a babae iti kanal iti nagbaetan ti Purok 15 ken Purok 17 sadiay Irisan, siudad ti Baguio idi agsapa kalman.
Sigun iti Baguio City Police Office – Station 9, mapattapatta a maysa a bulan ti nasao a maladaga.
Maibasar iti imbestigasyon, agdalus kuma iti nasao a kanal ti purok leader a ni John Lagribaz idi nadiskubrena ti nasao a maladaga.
Kinuna ti pulisya a marunrunoten ti nasao a bangkay ti maladaga nga iti agdama ket naipaiman iti maysa a punerarya iti siudad para iti umno a disposisyon.
Maim-imbestigaran met no asino ti ina ti nasao a maladaga ken no adda dagiti maka-ammo iti napasamak.
