BAGUIO CITY – Nasarakanen ti bangkay ti dua a lallaki a nalmes iti Lanas Lake sadiay Mayag, Bauko, Mountain Province.
Nabigbig dagiti biktima a da Mayzzon Vicente Batatas, 24-anyos ken Czar Jay Vicente Opag, 20-anyos, agpada a residente ti Kayan West, Tadian, Mountain Province.
Iti interview ti Bombo Radyo Baguio, kinuna ni Neil Culalad ti Mt Province- PDRRMO, nagturong dagiti biktima iti lanas lake, alas onse ti agsapa idi kalman tapno agpicnic.
Nupay kasta, idi alas tres trenta ti malem idi kalman, naglugan dagiti biktima ti bangka a maar-aramat iti panagkalap idi nalned daytoy.
Inkagumaan ni Opag nga ispalen ni Bantatas ngem agpada dagitoy a nalmes.
Nasarakan laeng ti bangkay dagitoy, pasado alas siyete itay agsapa.
Sigun pay kenni Opag, daytoy ti umuna a gundaway a napasamak ti nasao nga insidente iti Lanas Lake.
Gapu iti daytoy, impalagip manen ti opisyal ti panag-annad dagiti pamilya wenno agbabarkada nga agpicnic nangruna iti umadanin a holiday season tapno maliklikan ti kapada nga insidente.
