Maitabon iti Libingan ng mga Bayani sadiay Taguig City ti bangkay dagiti dua a piloto a pimmusay kalpasan a nag-crashed ti naglugananda nga aircraft idiay Tuba, Benguet.
Sigun kenni PAF spokesperson Colonel Ma. Christina Basco, maitabon dagiti bangkay ita nga aldaw, Mayo 26, 2026.
Maipaayan metlaeng iti final military honors ti bangkay da First Lieutenant Ruth Angelique Pasos ken Second Lieutenant Cherky Enlawan Embudo kas panangbigbig iti serbisyo ken sakripisyo dagitoy.
Impeksa ni PAF spokesperson Colonel Basco ti pannakipagladingit ti Philippine Air Force kadagiti pamilya dagiti pimmusay a Piloto.
Maipalagip a naglugan da Pasos ken Embudo iti SF-260 trainer aircraft idi nag-crashed iti pasado 10:30 a.m idiay Mt Cabuyao idi May 20, 2026.
Daytoy ket kabayatan ti navigation training flight dagitoy.
Immuna a naipaayan iti arrival honors ken Silver Wing Medal dagiti dua a pilito idiay Colonel Jesus Villamor Air Base kas panangbigbig iti dedikasion, propesionalismo, ken serbisio dagitoy.
