--Ads--
BAGUIO CITY – Nasarakanen ti lalaki a nalmes iti karayan sadiay Barangay Mabungtot, Langiden, Abra kalpasan ti dua nga aldaw a search and retrieval operation.
Nabigbig daytoy a ni Nestor Versoza Fujatrao, 39-anyos ken residente ti Mabungtot, Langiden, Abra.
Iti agdama, naiyawid ken malamlamayan ti nasao nga indibidual iti pagtaengan daytoy.
Naisayangkat ti search and retrieval operation babaen iti nagtipon a pwersa ti La Paz Municipal DRRM Office, Abra Provincial DRRM Council, Langiden Municipal Police Station ken dagiti istasyon ti Bureau of Fire Protection sadiay Pidigan, Dolores ken San Quintin.
