--Ads--
BAGUIO CITY – Agtultuloy ti panangbigbig dagiti otoridad iti bangkay ti lalaki a nasarakan sadiay Samuyao, Ampucao, Itogon, Benguet idi rabii.
Ti nasao a bangkay ket nakasuot iti short pant nga agmaris iti brown ken jacket nga agmaris iti brown.
Maibasar iti inisyal nga imbestigasyon, nakaawat iti report ti Itogon Municipal Police Station nga adda ti madi nga angot sadiay.
Iti panagturongda iti nasao a lugar ket ditoy da a nakita ti bangkay ti lalaki a naibelleng iti rangkis nga addaan iti kauneg a 150ft.
Mapapati met a pimmusayen daytoy duwa a lawas ti napalabas isut gapuna a marigatan dagitoy a mangbigbig iti kasiasino daytoy.
