--Ads--
BAGUIO CITY — Saan pay laeng a nabigbig ti nasarakan a bangkay ti lalaki sadiay Crystal Cave, Bakakeng, Baguio City iti kalman.
Maibasar iti report ti BCPO Station 10, nasarakanda a nakadasay ti bagi ti lalaki iti nagbaetan ti dua a balay sadiay.
Nakasuot ti lalaki iti nangisit nga slacks ken sapatos, gray a t-shirt ken blue nga sling bag.
Mapattapatta met nga agtawen iti 20 aginghga 25 ken agtayag iti 5’2”
Maibasar iti inisial a panagsukimat ti SOCO iti bagi ti lalaki, posible a nagsagrap daytoy iti tama ti bala ti paltog iti ulona.,
Nupay kasta, saan pay laeng a maipasidong iti otopsiya ti bangkay gaputa awan pay laeng dagiti nangbigbig a kapamilyana.
