--Ads--
BAGUIO CITY — Nabigbigen ti bangkay a nasarakan sadiay Datakan, Kapangan, Benguet idi Dominggo.
Nabigbig daytoy a ni Rexan Igualdo Sagapi, baro, 24-anyos, tubo ken residente ti Abatan, Buguias, Benguet.
Positibo a binigbig daytoy ti inana a ni Rexigina Igualdo Sagapi.
Nasarakan ti bangkay a nakapakleb ken nagsagrap ti bagsol iti tengged ken barukong daytoy.
Malaksid iti daytoy, naiputipot ti long-sleeve a bado iti rupa ken tengged ti biktima.
Kinuna ti ina ti biktima maiyawid ita nga aldaw ti bagi ti anakna sadiay Lamagan, Abatan, Buguias, Benguet.
