--Ads--
BAGUIO CITY- Naitabonen ti bangkay ti maysa a maladaga iti Buyagan Cemetery sadiay La Trinidad, Benguet.
Babaen daytoy iti panagtinnulong ti lokal a gobyerno ti Barangay, Cruz ken ti BMS Memorial Services.
Maipalagip a nasarakan ti kaipaspasngay a maladaga iti maysa a terminal sadiay Cruz, La Trinidad idi kalman ti agsapa.
Nakabalkot daytoy iti green jacket ken naikabil iti transparent plastic.
Babaen iti maysa a konduktor a nakakita ket naitaray ti maladaga iti ospital ngem naideklara a dead on arrival.
Agtultuloy met ita ti imbestigasyon dagiti otoridad seknan iti pakabigbigan ti indibidual a nang-abandona iti nasao a maladaga.
