Naisangpeten iti pagilian ti bangkay ti Pinoy seafarer a pimmusay iti MV Eternity C nga inatake dati rebelde a Houti idi July 7, 2025.
Sigun iti Overseas Workers Welfare Administration (OWWA), naisangpet ti bangkay ti nasao a marino idi Disiembre 6, 2025.
Sinabat daytoy ti Department of Migrant Workers (DMW), OWWA ken ti pamilia ti pimmusay a seafarer.
Na-cremate ti bangkay sadiay Manila sakbay a maiyawid iti lugar dagitoy sadiay Iloilo.
Kabayatanna, impasigurado ti OWWA a maipaay amin a kasapulan a tulong kadagiti pimilia ti pimmusay a Pinoy seafarer babaen iti Western Visayas regional office.
Karaman ditoy ti financial ken death benefits, scholarships kadagiti dependents ti biktima, pagbiagan ken psychosocial counselling.
Maipalagip nga immuna a nakaawid iti pagilian ti siam a Pinoy seafarers a kadwa ti pimmusay a marino.
