--Ads--
BAGUIO CITY – Malamlamayan ita ti maysa a lakay kalpasan a nasarakan a maysan a bangkay sadiay Little Kibungan, La Trinidad, Benguet idi kalman.
Nabigbig daytoy a ni Benedict Bugtong, agtawen iti pitopulo ken residente ti Longlong, La Trinidad, Benguet.
Maibasar iti report, nasarakan ti maysa a maseknan nga umili ti agruprupsa wenno marunrunot a bangkay ti lakay iti nasamek a paset ti nasao a lugar.
Naduktalan ti Scene of the Crime Operatives a natnag ti lakay iti rangkis nga aguneg iti sangapulo ket dua a kadapan.
Sigun met iti pamilia ti lakay, mapukpukaw daytoy sipud pay idi Pebrero 12 ken nakapasar daytoy iti dementia wenno panagkabaw.
