--Ads--
BAGUIO CITY – Saan pay laeng a nabigbig ti nasarakan a bangkay ti maysa a lalaki sadiay Camp 1, Tuba, Benguet idi kalman.
Sigun iti Tuba PNP, posible a natinnag ti lalaki iti rangkis nga aguneg iti duapulo ket lima a kadapan ken posible a naitupak ti ulo daytoy a nangitunda iti ipupusayna.
Agpampanawagan met ti pulisya iti asinoman a mapukpukawan iti kapamilia nga agturongda laeng iti Bahay Damayan sadiay Marcos Highway tapno bigbigenda ti nasarakan a bangkay.
Nakabado daytoy iti red t-shirt, brown short pant, addaan iti fair complexion ken mapattapatta nga agtawen iti tallopulo agingga iti uppat a pulo.
