--Ads--
BAGUIO CITY – Agpampanawagan ti Pudtol Muncipal Police Station iti asinoman a mapukpukawan iti kabagian a lalaki a mapattapatta nga agtawen iti 30 agingga 35 tapnu agturongda laeng iti nasao nga opisina.
Kasaruno daytoy ti panakasarak ti bangkay ti maysa a lalaki a tumtumpaw iti karayan sadiay Barangay Balag, Pudtol, Apayao idi kanikadua.
Sigun iti Pudtol PNP, mapattapatta nga agtayag ti lalaki iti 5’7 ken nakasuot daytoy iti nangisit nga underwear.
Kinuna ti pulisya a temporaryo a naitabon ti bangkay gaputa nangrugin daytoy nga agrupsa ngem naalaan daytoy iti DNA sample ken finger prints.
