--Ads--
BAGUIO CITY – Malamlamayan ita ti maysa nga ubing a pimmusay kalpasan a nalmes iti Bannong Lake sadiay Aggub, Taggay, Pinukpuk, Kalinga idi kanikadua.
Nabigbig daytoy a ni Lexy Savannah Gaayon Bayog, 5-anyos ken residente ti nasao a lugar.
Maibasar iti report, nagturong ti biktima ken dagiti menor de edad a kakaduana iti karayan tapnu agdigus ngem kalpasan ti sumagmamano a minutos ket nadlaw laengen dagiti kakadua ti ubing a mapukpukaw daytoy bayat a nakita dagiti bado ken tsinelasna iti igid ti dan-aw.
Dagus a nagawid dagiti kakadua ti ubing ken impaka-ammoda iti nagannakda ti napasamak.
Naipatungpal ti search operation ken narekober ti bangkay ti ubing iti nasao a karayan iti kauneg nga agarup uppat a kadapan.
