In-freeze ti anti-money laundering office sadiay Mexico ti bank accounts ti co-owner ti Miss Universe kas paset ti imbestigasion iti drugs, fuel ken arms trafficking.
Sigun iti federal official, imbilin ti Financial Intelligence Unit ti pannaka-freeze ti bank account ti Mexican businessman a ni Raúl Rocha Cantú.
Sigun pay iti federal prosecutors ti Mexico, maim-imbestigaran ni Rocha Cantú idi paylaeng Nobiembre 2024 gapu kadagiti maatap a nagduduma a krimen.
Immuna metteng a nangipaulog ti federal judge iti 13 nga arrest warrants kontra kadagiti karaman iti kaso.
Daytoy ket pakairamanan ni Rocha Cantú nga akinkukua iti 50% a shares iti Miss Universe.
Malaksid iti dayta, nangipaulog ti korte sadiay Thailand iti arrest warrant kontra iti Thai co-owner ti Miss Universe Organization.
Naipaulog ti warrant gapu iti maatap a panagkusit a napasamak iti kaleppas a kompetision a nangabakan ni Miss Mexico Fatima Bosch.
