BAGUIO CITY–Malamlamayan itan sadiay Kias, Baguio City ti bangkay ni Air Force Major Jessie Miller Jr. a karaman kadagiti uppat a pimmusay iti panakatnag ti naglugananda aSikorsky S-76A Rescue Helicopter sadiay Lantawan, Basilan itay nabiit.
Idi kalman ket naisangpet ti bankay ti soldado iti pagtaenganda sadiay Kias ditoy siudad ti Baguio ken naipaayan daytoy iti Arrival Honors sadiay Loakan Airport.
Maipalagip nga agturong kuma ti nasao a helicopter sadiay Jolo, Sulu para iti medical evacuation mission tapno maispal dagiti biktima iti kaudian a panagbettak iti nasao a lugar ngem natnag daytoy sadiay Lantawan, Basilan.
Malaksid kenni Major Miller, karaman kadagiti pimmusay iti insidente da 1st Lieutenant Mack-ar Ferrer, SSg. Miguel Banas Jr. ken ni 2Cl Benedicto Leal, Jr.
Kabayatana, impabiangen ti pamilya Miller ti manarimaan nga imbestigasyon iti napasamak a Basilan mishap a nangitunda iti pannakatay ti soldado.
Sigun ken Jessie Miller Sr., ama ti nasao a banuar, saandan a makibiang ken mangnamnamada nga aramiden m ti Armed Forces of the Philippines ti amin nga addang tapnu maduktalan ti pudno a rason ti insidente.
Dinakamatna a sipod pay nangrugi iti serbisyo ti anakna ket iggemnan ti Sikorsky S-76A Rescue Helicopter ken daytoy iti nangguyugoy iti anakna a sumrek iti akademya tapnu agsanay ken agserbi iti pagilian.
Maipalagip a ni Air Force Major Jessie Miller Jr., ti inaudi nga anak iti pamilya Miller.
Indanon metlang ti sibubukel a Masidlak Class of 2010 ti panakiladingtda iti imbati a pamilya ni Air Force Major Jessie Miller Jr.. (report ni Bombo Bridgette Marcasi)
