Namnamaen ti maysa a judge a makapasa amin a bar examinees manipud iti College of Law ti Northeastern College.
Sigun kenni Raidah Mangantulao, Presiding Officer ti Municipal Trial Court in Cities (MTCC) Branch 3, Baguio City ken maysa metlaeng a Law Professor iti Northeasters College, College of Law idiay Santiago City, 52 dagiti bar examinees iti nasao a pagadalan; 30 ti nagexam iti siudad ti Baguio, 17 idiay Tuguegarao, ken dagiti nabatbati ket idiayda met Manila a nag exam.
Innayon ti judge a tunggal tawen nga adda ti maipoproduce ti nasao a pagadalan a grupo dagiti abodaga nga isu met namnamaenda a mapasamak ita a tawen.
Inyebkasna met ti panagkablaawna kadagiti examinees iti panagleppas ti iti umuna nga aldaw ken ita a maikadua nga aldaw ti examination.
Impettengna met ti kinapateg ti panagkararag ken panagpokus kadagiti examinees ken lagipenda dagiti nireview dagitoy.
Sigun kenkuana, narigat ti exam. Nupay kasta, babaen iti panagpursige ket mabaelanda daytoy. //via Bombo Noveh Organo
