Barangay kagawad sadiay Abra, nakemmeg gapu iti panaglabsingna iti RA 9165

BAGUIO CITY – Nakemmeg ti maysa a barangay kagawad sadiay Tayum, Abra kalpasan a nagpositibo ti naiserbi a search warrant iti pagtaenganna.

Nabigbig daytoy a ni Reynante Tadeo Tugade, 32-anyos, kagawad ti Budac, Tayum, Abra.

Maibasar iti report, inserbi dagiti pulis ti search warrant iti balay ni Tugade ken sadiay a nakumpiskar ti 2 sachets ti mapapati a shabu.
Gapu iti daytoy, sumangsango ita ti nasao nga indibidual iti kaso a panaglabsing iti RA 9165 wenno ti Comprehensive Dangerous Drugs Act of 2002.

Maibagbaga a ni Tugade ket maysa kadagiti narco-politicians ti Abra a simmuko ken nakisarita kadagiti opisyal ti Police Regional Office-Cordillera.