BAGUIO CITY – Malamlamayan ita ti bangkay ti maysa a barangay secretary kalpasan a pimmusay idi naaksidente ti luganna sadiay Abuloy, Bayabas, Sablan, Benguet idi kanikadua.
Nabigbig daytoy a ni Patricio Quiret Dalis, adda iti legal nga edad, naasawaan, barangay secretary ken residente ti Payda, Bayabas, Sablan.
Maibasar iti report, imanmaneho ti biktima ti owner-type jeep daytoy ken paawid kuma idi napasaran ti lugan ti mechanical defect.
Gapu iti daytoy, natnag ti lugan iti rangkis nga addaan kauneg a 20 a metro.
Nangitunda daytoy iti panagsagrap ti biktima iti nagduduma a dunor iti bagi ken idi naitaray iti pagagasan ket naideklara a dead on arrival.