--Ads--
BAGUIO CITY – Nakemmeg ti maysa a menor-de-edad gapu iti panagimet daytoy iti nagango a marijuana iti uneg ti maysa a pagadalan sadiay Bakakeng Norte, Baguio City idi kanikadua.
Sigun iti Baguio City Police Office, ti nasao a menor-de-edad ket agtawen iti 16 ken maysa daytoy nga estudyante.
Sigun kadagiti otoridad, naireport iti istasion ti pulisya ti maipapan iti maatap a panagimet ti suspek iti marijuana iti uneg ti pagadalan.
Iti panagresponde dagiti otoridad, nakumpiskar manipud iti menor-de-edad ti maysa a pakete ti sigarilio a naglaon iti nagango a marikuana, lighter ken maysa a glass tooter.
Naiturong ti nasao nga estudyante iti kustodia ti pulisya para iti pannakaiproseso ti pannakaiturongna iti maseknan nga ahensia ti gobierno.
