BAGUIO CITY – Pimmusay ti maysa a barito kalpasan nga aksidente a napaltogan daytoy babaen ti airgun sadiay Olilicon, Lagawe, Ifugao idi malem kalman.
Nabigbig daytoy a ni Fredie Mar Tangid, katorse anyos ken residente iti nasao a lugar.
Maibasar iti report, nagturong ti biktima ken ti barito metlaeng a kasinsinna iti talon tapnu aganop ti billit babaen iti air gun.
Naamuan a saggaysa ti imet dagitoy nga air gun.
Nupay kasta, kalpasan ti agarup tallo nga oras ket naipaka-ammo iti ama ti biktima nga aksidente a natamaan daytoy babaen iti air gun.
Naitaray ti biktima iti pagagasan ngem naideklara a dead on arrival.
Pimmusay ti barito gapu iti tama ti bala ti paltog iti kanigid a barukong daytoy.
Agtultuloy met ti panangimbestigar dagiti pulis iti napasamak nga insidente.
